Coming Sooooooon

راجع تاني وهاكتب تاني واستنوني تاني عشان بقول من تاني أنا راجع تاني

غيبت فترة كبيرة قوي عن نفسي وعن الدنيا وشفت مواقف كتيرة واتعرضت لمواقف أصعب بس بجد حلوة التجربة وكويس إن ساعات بنقع ف مشاكل يمكن تزيد خبراتنا لما بنحاول نحلها, عموما استنوني وفيه حاجات وصور ومواضيع جامده جدا الفترة إللي جايه وبجد...راجع تاني

TRiO

وهو ده إسم فرقتنا الجديد إللي إستقرينا عليه
ومعناه ( 3) وده هو عددنا
إيه رأيكوا بقي؟
علي فكرة أنا باشكر كل إللي شافونا في حلقة إسهر معانا الجمعة إللي فاتت في قناة النيل للمنوعات وكل إللي بعتوا رسايل لينا علي الهوا
إدعولنا بقي عشان تسمعوا أغانينا قريب

حـبـيـبـي

حفلات من زمن مضي

دي صورة ليا من زمان وانا باغني في إحدي الحفلات والمكان كان في قرية فينيسيا بالمنوفية, أيوة المنوفية مانا برضة كنت مستغرب ..
كنت ومازلت باحب الموسيقي والغناء وكنت زمان غاوي أغني في الحفلات ( الخيرية وغير الخيرية ) وكمان في الأفراح وفي شارع الهرم ( كازينو الليل ) وفي الفنادق العائمة وخلافه, كانت أيام ماتتنسيش وبرضه كانت مهمة قوي في تكوين شخصيتي بعدين , صحيح كنت باتعب ومابنامش كويس بس إكتسبت صلابة التحمل ومرونة التعامل مع الناس , طبعا كنت شيك زي مانتوا شايفين